Kodwa ababelethisi babemesaba uNkulunkulu , abenzanga njengalokho yasho kubo inkosi yaseGibithe, babasindisa abafana.

Inkosi yaseGibithe yayisibiza ababelethisi , yathi kubo : Nenzeleni lokhu , nasindisa abafana, na?

Ababelethisi bathi kuFaro : Kungokuba amaHeberukazi engenjengabaseGibithe; anamandla, abeletha, engakafiki umbelethisi kuwo.

UNkulunkulu wabenzela ababelethisi okuhle ; abantu banda, baba baningi kakhulu.

Kwathi ngokuba ababelethisi bamesaba uNkulunkulu, wabavusela imizi.