Induna yabathenwa yabetha amagama ; uDaniyeli yametha ngokuthi uBeliteshasari, noHananiya uShadiraki, noMishayeli uMeshaki, no-Azariya u- Abedi Nego.

UDaniyeli wacela enkosini, yabeka oShadiraki, noMeshaki, no-Abedi Nego phezu kwezindaba zesifunda saseBabele , kepha uDaniyeli wayesesangweni lenkosi.

Kukhona amadoda abaJuda owabeke phezu kwezindaba zesifunda saseBabele, oShadiraki, noMeshaki, no-Abedi Nego ; lawa madoda , nkosi, awakunakanga; awakhonzi onkulunkulu bakho , awakhuleki esithombeni segolide osimisileyo.

Khona uNebukadinesari wayaleza ngolaka nangokufutheka ukuba kulethwe oShadiraki, noMeshaki, no-Abedi Nego. Base beletha lawo madoda phambi kwenkosi.

UNebukadinesari wathatha wathi kuwo : Kungamabomu yini , Shadiraki, Meshaki, no-Abedi Nego ningakhonzi unkulunkulu wami , ningakhuleki esithombeni segolide engisimisileyo, na?

OShadiraki, noMeshaki, no-Abedi Nego baphendula , bathi enkosini : Nebukadinesari, thina asidingi ukukuphendula kule ndaba.

Khona uNebukadines ari wagcwala ukufutheka , nesimo sobuso bakhe saguquka ngenxa yoShadiraki , noMeshaki, no-Abedi Nego ; wakhuluma wayaleza ukuba isithando somlilo sishiswe kasikhombisa ngaphezu kwalokho okuke kwabonwa sishiswa ngakho.

Wayeseyaleza amadoda anamandla asempini yakhe ukuba abophe oShadiraki, noMeshaki, no-Abedi Nego , abaphonse esithandweni somlilo ovuthayo.

Ngalokho ngokuba isiya lezelo senkosi sasicindezele , nesithando somlilo sasishisa kakhulu , ilangabi lomlilo lawabulala lawo madoda abakhuphula oShadiraki, noMeshaki, no-Abedi Nego.

Kepha lawa madoda amathathu , oShadiraki, noMeshaki, no-Abedi Nego , awela phansi eboshiwe phakathi nesithando somlilo ovuthayo.

Wayesesondela uNebukadinesari emnyango wesithando somlilo ovuthayo ; wakhuluma wathi : Shadiraki, Meshaki, no-Abedi Nego , nina zinceku zikaNkulunkulu oPhezukonke , phumani nize lapha . Base bephuma oShadiraki, noMeshaki, no-Abedi Nego phakathi komlilo.

UNebukadinesari wakhuluma wathi : Makabongwe uNkulunkulu wawoShadiraki, noMeshaki, no-Abedi Nego , othumile ingelosi yakhe , wakhulula izin ceku zakhe ebezimethemba , zaze zaguqula izwi lenkosi, zanikela imizimba yazo ukuba zingakhonzi , zingakhuleki kunkulunkulu noyedwa, uNkulunkulu wabo kuphela.

Ngalokho ngikhipha isimemezelo sokuba bonke abantu , nezizwe, nezilimi ezikhuluma okungafanele ng oNkulunkulu wawoShadiraki , noMeshaki, no- Abedi Nego ziyakuhlahlelwa , izindlu zazo zenziwe iquba , ngokuba akakho omunye unkulunkulu ongophula ngale ndlela.

Inkosi yabaphakamisa oShadiraki , noMeshaki, no-Abedi Nego esifundeni saseBabele.