Ubude bepulangwe babuyizingalo eziyishumi , nobubanzi bepulangwe babuyingalo nenxenye.

UBesaleli wawenza umphongolo ngomuthi womtholo ; ubude bawo babuyizingalo ezi mbili nenxenye, ububanzi bawo babuyingalo nenxenye , nokuphakama kwawo kwakuyingalo nenxenye.

Wasenza isihlalo somusa ngegolide elicwengekileyo ; ubude baso babuyizingalo ezimbili nenxenye, nobubanzi baso babuyingalo nenxenye.

Walenza itafula ngomuthi womtholo ; ubude balo babuyizingalo ezimbili , nobubanzi balo babuyingalo, nokuphakama kwalo kwakuyingalo nenxenye.

Walenza i-altare lempepho ngomuthi womtholo; ubude balo babuyingalo , nobubanzi balo babuyingalo ; laba nezinhlangothi ezine ezilingeneyo ; nokuphakama kwalo kwakuyizingalo ezimbili; izimpondo zalo zazikunye nalo.