UJesu waphendula, wathi kuye: Ubusisiwe wena Simoni kaJona, ngokuba inyama negazi akukwambulelanga lokhu kodwa uBaba osezulwini.

Wamyisa kuJesu ; uJesu wambheka wathi : Wena unguSimoni kaJona ; uzakubizwa ngokuthi uKhefase, okuhunyushwa ngokuthi uPetru.

Khona sebedlile uJesu wathi kuSimoni Petru: Simoni kaJona, uyangithanda kunalaba na ? Wathi kuye: Yebo, Nkosi, uyazi wena ukuthi ngiyakuthanda . Wathi kuye: Yipha amawundlu ami.

Wabuye wathi kuye ngokwesibili: Simoni kaJona, uyangithanda na? Wathi kuye: Yebo, Nkosi, uyazi wena ukuthi ngiyakuthanda . Wathi kuye: Yalusa izimvu zami.

Wathi kuye ngokwesithathu : Simoni kaJona , uyangithanda na ? UPetru wadabuka ngokuba wathi kuye ngokwesithathu : Uyangithanda na ? Wathi kuye: Nkosi, wazi konke wena , uyazi ukuthi ngiyakuthan da. UJesu wathi kuye: Yipha izimvu zami.