Kwase kusuka uJeshuwa indodana kaJosadaki , nabafowabo abapristi , noZerubabele indodana kaSheyalitiyeli , nabafowabo, bakha i -altare likaNkulunkulu ka -Israyeli ukuba banikele ngeminikelo yokushiswa phezu kwalo njengokulotshiweyo emthethweni kaMose umuntu kaNkulunkulu.

Ngomnyaka wesibili wokufika kwabo endli ni kaNkulunkulu eJerusalema ngenyanga yesibili uZerubabele , indodana kaSheyalitiyeli , noJeshuwa indodana kaJosadaki, nensali yabafowabo abapristi , namaLevi, nabo bonke abafike eJerusalema bevela ekuthunjweni baqala ukumisa amaLevi, kusukela kwabaneminyaka engamashumi amabili kuya phezulu ukuba babonise umsebenzi wendlu kaJehova.

Kwase kusuka uZerubabele indodana kaSheyalitiyeli noJeshuwa , indodana kaJosadaki, baqala ukwakha indlu kaNkulunkulu eseJerusalema ; abaprofethi bakaNkulunkulu babenabo bebasiza.

Abafunyaniswa phakathi kwamadodana abapristi ukuthi bathathe abesifazane babezizwe nampa: kumadodana kaJeshuwa indodana kaJosadaki nakubafowabo: ngoMahaseya, no-Eliyezeri, noJaribi, noGedaliya.

Labo babe khona emihleni kaJoyakimi indodana kaJeshuwa kaJosadaki nasemihleni kaNehemiya umbusi no-Ezra, umbhali.