ISango Lezinhlanzi lakhiwa ngamadodana kaHas enawa; abeka imishayo yalo, bamisa izivalo zalo nezihluthulelo zalo nemigoqo yalo.

ISango Elidala lalungiswa nguJoyada indodana kaPhaseya nanguMeshulamu indodana kaBesodeya , babeka imishayo yalo , bamisa izivalo zalo nezihluthulelo zalo nemigoqo yalo.

ISango Lomquba lalungiswa nguMalikhiya , indodana kaRekabi , umbusi wesifunda saseBeti Hakeremi ; walakha, wamisa izivalo zalo nezihluthulelo zalo nemigoqo yalo.

ISango Lomthombo lalungiswa nguShaluni, indodana kaKholi Hoze, umbusi wesifunda saseMispa; walakha, walifulela, wamisa izivalo zalo nezihluthulelo zalo nemigoqo yalo , nogange lwaseChibini laseShela ngasensimini yenkosi , kwaze kwaba sezikhwelweni ezehla emzini kaDavide.