Wahlaba inkunzi nenqama , zibe ngumhlatshelo weminikelo yokuthula ongowabantu; amadodana ka-Aroni aletha kuye igazi owafafaza ngalo i-altare nxazonke,

Niyakunikela ngempongo ibe ngumnikelo wesono , nezimvu ezimbili zamaduna ezinomnyaka munye, zibe ngumhlatshelo weminikelo yokuthula.

Uyakunikela ngenqama ibe ngumhlatshelo womnikelo w okuthula kaJehova kanye neqoma lesinkwa esingenamvubelo; futhi umpristi anikele ngomnikelo wayo wempuphu nangomnikelo wayo wokuphuzwa.

USolomoni wanikela kube ngumhlatshelo weminikelo yokuthula, owanikela ngawo kuJehova , izinkunzi eziyizinkulungwane ezingamashumi amabili nambili nezimvu eziyizinkulungwane eziyikhulu namashumi amabili . Inkosi nabo bonke abantwana bakwa-Israyeli bahlambulula-ke indlu kaJehova.

Lapho ninikela ngesilwane esiyimpumputhe sibe ngumhlatshelo , akukubi na? Lapho ninikela ngesilwane esiqhugayo nesigulayo , akukubi na ? Mawusisondeze kumbusi wakho ; uyakuba nomusa kuwe na? Uyakukwamukela na? usho uJehova Sebawoti.