Wabuyisa umkhawulo wakwa-Israyeli kusukela ekuyeni eHamati kuze kube seLwandle lwase -Araba; njengezwi likaJehova , uNkulunkulu ka -Israyeli, alikhulumayo ngesandla senceku yakhe uJona indodana ka -Amithayi, umprofethi waseGati Heferi.

Kepha uJona wasuka ebusweni bukaJehova ukuba abalekele eTharishishi , wehlela eJopha , wafumana umkhumbi obuyakuya eTharishishi ; wakhokha imali yawo, wakhwela kuwo, ukuba ahambe nawo , aye eTharishishi, asuke ebusweni bukaJehova.

Khona amatilosi esaba , akhala, kwaba yilelo nalelo kunkulunkulu walo , aphonsa elwandle impahla ebisemkhunjini ukuba ube lula kubo. Kepha uJona wayehlele phakathi komkhumbi, wayeselele ubuthongo.

Bathi, kwaba yilowo nalowo kumngane wakhe : Wozani senze inkatho, sazi ukuthi kungenxa kabani lobu bubi buphezu kwethu . Base benza inkatho ; inkatho yamudla uJona.

Amphakamisa uJona , amphonsa elwandle ; ulwandle lwase lupheza ukufutha.

UJehova wamisela inhlanzi enkulu ukuba imgwinye uJona ; uJona wayesezibilinini zenhlanzi izinsuku ezintathu nobusuku obuthathu.

UJona wakhuleka kuJehova uNkulunkulu wakhe esezibilinini zenhlanzi,

UJehova wakhuluma kuyo inhlanzi , yamhlanzela uJona emhlabathini owomileyo.

Wayesesuka uJona , waya eNineve njengezwi likaJehova . INineve lalingumuzi omkhulu kakhulu, uhambo lwezinsuku ezintathu.

UJona waqala ukungena emzini , uhambo losuku lwaba lunye , wamemeza wathi: Kusezakuba yizinsuku ezingamashumi amane, bese lichithwa iNineve.

UJona wayesephuma emzini, wahlala ngasempumalanga komuzi, wazenzela idokodo khona , wahlala phansi kwalo emthunzini , ukuze abone ukuthi kuyakwenziwa njani kuwo umuzi.

UJehova uNkulunkulu walungisela umhlakuva , wawukhulisa phezu kukaJona ukuba ube ngumthunzi phezu kwekhanda lakhe ukumophula kokubi kwakhe. UJona wathokoza ngomhlakuva ngokuthokoza okukhulu.

Ngokuba njengalokho uJona wayesesiswini somkhomo izinsuku ezintathu nobusuku obuthathu , kanjalo-ke neNdodana yomuntu iyakuba sebuthunjini bomhlaba izinsuku ezintathu nobusuku obuthathu.

Ngokuba njengalokho uJona waba yisibonakaliso kwabaseNineve , iNdodana yomuntu iyakuba njalo kulesi sizukulwane.