Bheka, manje uku khala kwabantwana bakw a-Israyeli sekufike kimi ; futhi ngikubonile ukucindezela abaseGibithe ababacindezela ngakho.

Ngase ngibuye ngabona konke ukucindezela okwenziwa phansi kwelanga ; bheka izinyembezi zabacindezelwayo ; babengenamduduzi. Ohlangothini lwababacindezelayo kwakukhona amandla, kepha bona babengenamduduzi.

Ngokuba ukuphehla ubisi kuveza iphehlwa , nokucindezelwa kwempumulo kuveza igazi; kanjalo ukucindezela ulaka kuveza ukuxabana.

Impela ukucindezela kuyamhlanyisa ohlakaniphileyo , nokuthengwa ngomvuzo kuchitha ingqondo.

Ngalokho usho kanje oNgcwele ka -Israyeli, uthi: Njengokuba nilidelela leli zwi, nethemba kukho ukucindezela nakukho okuphambeneyo , nencike kukho,

ukuphambuka nokumphika uJehova , nokumhlubuka uNkulunkulu wethu , nokukhuluma ukucindezela nokwambuka , nokucabanga nokukhuluma amazwi amanga aphuma enhliziyweni.