Yonke iminikelo yakho yempuphu iyoliswe ngosawoti ; ungavumeli ukuba usawoti wesivumelwano sikaNkulunkulu wakho asilale emnikelweni wakho wempuphu; wonikela ngayo yonke iminikelo yakho inosawoti.

U-Abimeleki walwa nomuzi lonke lolo suku ; wawuthatha umuzi, wabulala abantu ababekuwo, wawubhidliza umuzi, wahlwanyela usawoti kuwo.

Wathi: Ngiletheleni isitsha esisha, nibeke usawoti kuso. Basiletha kuye.

Waphuma, waya emthonjeni wamanzi, waphonsa kuwo usawoti , wathi: Usho kanje uJehova, uthi: Ngelaphile lawa manzi; akusayikuvela ukufa kuwo nokubhuluba.

Njengokuba manje sidla usawoti wendlu yenkosi , kungasifanele ukuba sibone ihlazo lenkosi, ngalokho sithumele sayazisa inkosi

Uyakukusondeza phambi kukaJehova , abapristi bathele usawoti kukho , banikele ngakho, kube ngumnikelo wokushiswa kuJehova.

Nina ningusawoti womhlaba , kepha uma usawoti edumele , ubusawoti bovuswa ngani na ? Akasasizi lutho , kuphela ukulahlwa ngaphandle , anyathelwe ngabantu.

Usawoti muhle , kepha uma usawoti engasenabusawoti , niyakumhlaziya ngani na? Yibani nosawoti phakathi kwenu, nihlalisane ngokuthula.

Usawoti uyinto enhle ; kepha uma usawoti edumele , uyakuhlaziywa ngani na?